सांग तरंगा

सांग तरंगा मजसी सांग जरा
तुझाचि तू की निराचा ह्या खरा ? || धृ ||
आठव तू तुज पवनाने लोटिले
तरंग नावे जळावेगळे केले
तेचि नाव तू हृदयी सांभाळिले
आता तरी तू जागा होई, साडी भलती तर्हाि || १ ||
अरे जळावरी चंद्राच्या कर्षणे
सागरासी रे तुझे लाभले लेणे
तुजला फिरुनी जणू तेचि की होणे
तुझा शोभला सागरावरी सुंदरसा की तुरा || २ ||
ओंजळीत मी तुजला घेऊ जाता
जळावाचुनी काही ना ये हाता
“तरंग मी” हे, विसरे तू रे आता
“जळ मी आहे” ऐसा ठेका, एकचि लावी सुरा || ३ ||
पाण्यावरती पाण्याची रांगोळी
उन्हात चमके शोभा ही आगळी
आता राहे खुशाल खेळी मेळी
सुखरूपत्वे आनंदाचा अनुभव घेई पुरा || ४ ||